حیدرآباد کیلئے اسپیشل ریلیف پیکیج، ٹیکس معاف کرانے کی کوشش کریں گے، امین الحق

وفاقی وزیر انفارمیشن ٹیکنالوجی (آئی ٹی) امین الحق نے کہا ہے کہ حیدرآباد کیلئے اسپیشل ریلیف پیکیج اور ٹیکس معاف کرانے کی کوشش کریں گے۔

حیدرآباد میں میڈیا سے بات کرتے ہوئے انہوں نے کہا کہ 500 ملی میٹر بارش ہوئی ہے، حیدرآباد ڈوب رہا ہے، شہری مالی طور پر شدید پریشان ہیں۔

انہوں نے کہا کہ ہمیں حلقہ بندیوں پر اعتراض ہے لیکن ایم کیو ایم الیکشن کے لیے تیار ہے۔

انہوں نے مزید کہا کہ کوشش کریں گے تمام اداروں کے ساتھ مل کر معاملات کو بہتر بنائیں۔

بشکریہ جنگ