حکومتی عزائم کے خلاف ساری اپوزیشن متحد ہے، یوسف رضا گیلانی

سینیٹ میں قائد حزب اختلاف یوسف رضا گیلانی نے کہا ہے کہ حکومتی عزائم کے خلاف ساری اپوزیشن متحد ہے۔

پارلیمنٹ میں صحافیوں سے گفتگو میں اپوزیشن لیڈر سینیٹ نے کہا کہ پارلیمنٹ کو بلڈوز کرنے والوں کی سازشیں ناکام بنائیں گے۔

انہوں نے کہا کہ حکومتی عزائم کے خلاف ساری اپوزیشن متحد ہے۔

پیپلز پارٹی کے سینئر رہنما قمر زمان کائرہ نے اپوزیشن کی سب سے بڑی جماعت مسلم لیگ (ن) سے بیک ڈور رابطے ختم کرنے کا کہہ دیا۔

اس موقع پر صحافی نے سوال کیا کہ کیا پارلیمنٹ کے باہر بھی اپوزیشن جماعتیں اکٹھی ہوں گی؟

سابق وزیراعظم نے جواب دیتے ہوئے کہا کہ فی الحال ہم پارلیمنٹ کے اندر رہ کر اپنا کردار ادا کریں گے۔

بشکریہ جنگ