حمزہ شہباز کی قیادت میں مہنگائی کیخلاف مارچ

پنجاب اسمبلی میں اپوزیشن لیڈر اور مسلم لیگ نون کے رہنما حمزہ شہباز کی قیادت میں ارکان نے مہنگائی کے خلاف لاہور میں مارچ نکالا ہے۔

حمزہ شہباز کی قیادت میں مسلم لیگ نون کے ارکانِ پنجاب اسمبلی چیئرنگ کراس سے ڈیوٹی فری شاپ تک مارچ کریں گے۔

اپوزیشن لیڈر پنجاب اسمبلی حمزہ شہباز نے کہا ہے کہ غریب کےلیے بچوں کا پیٹ بھرنا مشکل ہوگیا ہے۔

نون لیگی ایم پی اے مرزا محمد جاوید مارچ میں شرکت کرنے کے لیے احتجاجاً سائیکل پر پنجاب اسمبلی پہنچے۔

رکنِ پنجاب اسمبلی راحیلہ خادم مارچ میں چوڑیاں لے کر آئیں۔

مسلم لیگ نون کے رہنما، پنجاب اسمبلی میں قائدِ حزبِ اختلاف حمزہ شہباز شریف کا کہنا ہے کہ دعا کریں عوام کو اس حکومتی عذاب سے نجات ملے۔

ان کا کہنا تھا کہ پاکستان تحریکِ انصاف (پی ٹی آئی) کی حکومت نے عام آدمی کو موت کے منہ تک پہنچا دیا ہے۔

راحیلہ خادم کا یہ بھی کہنا ہے کہ ہم سب مہنگائی کے خلاف بھرپور احتجاج کریں گے۔

بشکریہ جنگ