حسن علی ایک فائٹر ہے: فخر زمان

قومی کرکٹ ٹیم کے بیٹسمین فخر زمان بھی فاسٹ بولر حسن علی کی حمایت میں سامنے آگئے۔

فخر زمان نے حسن علی کے حالیہ بیان پر ردّعمل دیا جو کہ اُنہوں نے گزشتہ روز ہی اپنے چاہنے والوں کے لیے ٹوئٹر پر جاری کیا تھا۔

قومی کرکٹر نے حسن علی سے مخاطب ہوتے ہوئے کہا کہ ’دوست! تم صرف ایک چیمپئن ہو، تم ایک فائٹر ہو۔‘

اُنہوں نے کہا کہ ’دنیا میں ایسے بہت کھلاڑی نہیں ہیں جو آپ کی محنت، ہمت اور عزم کا مقابلہ کر سکیں۔‘

فخر زمان نے مزید کہا کہ ’اپنا سر اونچا رکھیں کیونکہ ہم سب کو آپ پر فخر ہے۔‘

آئی سی سی مینز ٹی ٹوئنٹی ورلڈ کپ کے دوسرے سیمی فائنل میں آسٹریلیا کے خلاف اہم کیچ ڈراپ کرنے والے فاسٹ بولر حسن علی کی اہلیہ نے اُنہیں پاکستان سے ملنے والی دھمکیوں کی خبروں کی تردید کردی ہے۔

واضح رہے کہ حسن علی کا اپنے بیان میں کہنا تھا کہ مجھے علم ہے آپ سب میری پرفارمنس سے پریشان ہیں۔

انہوں نے مداحوں کے لیے کہا تھا کہ میں توقعات پر پورا نہیں اتر سکا، مجھ سے زیادہ مایوس نہ ہوں۔

حسن علی کا کہنا تھا کہ مجھ سے وابستہ توقعات کو تبدیل نہ کریں، میں ہر سطح پر بہترین کرکٹ کھیلنا چاہتا ہوں۔

آئی سی سی مینز ٹی ٹوئنٹی ورلڈ کے دوسرے سیمی فائنل میں آسٹریلیا کے خلاف میتھیو ویڈ کا اہم کیچ ڈراپ کرنے والے پاکستان کرکٹ ٹیم کے فاسٹ بولر حسن علی کے والد کا بیان سامنے آگیا۔

انہوں نے یہ بھی کہا تھا کہ یہ وقت مجھے مزید مضبوط بنائے گا، سب کے پیغامات اور دعاؤں پر شکریہ ادا کرتا ہوں۔

بشکریہ جنگ