حساس مقدمات میں مخصوص ججز شامل نہ کرنے سے عدلیہ کا وقار مجروح ہوتا ہے، جسٹس مقبول باقر

سپریم کورٹ کے ریٹائرڈ ہونے والے جج جسٹس مقبول باقر کا کہنا ہے کہ حساس مقدمات میں مخصوص ججز شامل نہ کرنے سے عدلیہ کا وقار مجروح ہوتا ہے۔

جسٹس مقبول باقر نے اپنے اعزاز میں فل کورٹ ریفرنس سے خطاب  کرتے ہوئے کہا کہ یہ تباہ کن ہوگا کہ جج کی میعاد اور فیصلے طاقتور حلقوں کی خوشنودی سے مشروط ہوں۔

انہوں نے کہا کہ آئینی ذمے داری کے دوران سیاسی، سماجی وابستگیاں آڑے نہیں آنی چاہئیں۔

 جسٹس مقبول باقر نے کہا کہ غیر متوازن جوڈیشل ایکٹیوازم قانون کی حاکمیت کے لیے موت کا سبب ہے۔

بشکریہ جنگ