حافظ آباد: چھت گرنے سے 4 افراد جاں بحق

حافظ آباد کے علاقے رامکے چٹھہ میں سردی سے بچنے کے لیے لگائی آگ سے چھت گر گئی۔

ریسکیو حکام کے مطابق چھت گرنے سے ملبے تلے دب کر 4 افراد جاں بحق اور 4 شدید زخمی ہو گئے۔

ریسکیو کی امدادی ٹیموں نے لاشوں اور زخمیوں کو ملبے سے نکال کر ٹراما سینٹر منتقل کر دیا ہے۔ جن میں سے 2 زخمیوں کی حالت تشویشناک بتائی جا رہی ہے۔

حکام کا کہنا ہے کہ اہل خانہ نے آگ بکریوں کے لیے جلا رکھی تھی۔

بشکریہ جنگ