حارث رؤف کی اپنی مہندی پر دھماکے دار انٹری
قومی کرکٹ ٹیم کے فاسٹ بولر حارث رؤف کی شادی کی تقریبات کا آغاز ہو چکا ہے۔
گزشتہ روز حارث رؤف کی شادی کے سلسلے میں منعقد کی گئی قوالی نائٹ کے بعد اب مہندی میں انٹری دیتے ہوئے ویڈیو سوشل میڈیا پر وائرل ہو گئی ہے۔
انسٹاگرام، ٹوئٹر اور فیس بُک پر وائرل ویڈیوز میں دیکھا جا سکتا ہے کہ کروڑوں کرکٹ شائقین کا پسندیدہ کھلاڑی اپنی مہندی پر گھوڑی اور ہیوی بائیک پر انٹری دے رہا ہے۔
واضح رہے کہ پاکستان کرکٹ ٹیم کے فاسٹ بولر حارث رؤف کی شادی جمعے کو ہوگی جبکہ اُن کی شادی کی تقریبات کا آغاز منگل کی رات سے ہو چکا ہے۔
منگل کی شب حارث رؤف کی ڈھولکی کی تقریب منعقد ہوئی تھی جس میں اُن کے رشتے داروں اور دوستوں نے بھی شرکت کی تھی۔
اس تقریب میں حارث رؤف بھی قوالی سن کر خوب محظوظ ہوئے۔
حارث رؤف کی شادی میں شرکت کے لیے کراچی سے دیگر کرکٹرز بھی اسلام آباد جائیں گے۔
واضح رہے کہ حارث رؤف کا نکاح گزشتہ برس دسمبر میں ان کی کلاس فیلو مزنا مسعود ملک سے ہوا تھا۔
Comments are closed.