حارث رؤف کا فائنل میں غلطیاں ہونے کا اعتراف

قومی کرکٹ ٹیم کے فاسٹ بولر حارث روف نے اعتراف کیا ہے کہ میلبرن میں فائنل کے دوران غلطیاں ہوئیں اور ہم نے رنز بھی کم کیے۔

میلبرن میں میڈیا سے گفتگو میں حارث رؤف نے کہا کہ  سیم کرن نے بہترین باولنگ کی اس لیے وہ پلئیر آف دی ٹورنامنٹ بنا۔

پاکستان کرکٹ ٹیم کے کپتان بابر اعظم تو 92 ورلڈ کپ کی تاریخ نہ دہراسکے لیکن انگلینڈ نے بین اسٹوکس کی مدد سے ایک اور ورلڈ کپ اپنے نام کرلیا۔

انہوں نے کہا کہ بیٹنگ کے بعد بولنگ کے دوران ہم نے میچ پر گرفت مضبوط کرلی تھی، بین اسٹوکس کو جارحانہ باولنگ کی لیکن ان کی قسمت اچھی تھی۔

فاسٹ بولر نے مزید کہا کہ 150 کے قریب اسکور ہوتا تو شاید میچ کا نتیجہ کچھ اور ہوتا، کم اسکور جب بھی ہوتا ہے تو جارحانہ بولنگ کرنا پڑتی ہے۔

انگلینڈ کی کرکٹ ٹیم کے آل راؤنڈر بین اسٹوکس دوسری بار ٹیم کے لیے نجات دہندہ بن گئے۔

ان کا کہنا تھا کہ وکٹیں لینے کی کوشش کر رہے تھے، اس لیے میچ کے دوران بال آگے کر رہے تھے، ہم نے یہ نہیں سوچا تھا کہ کونسی ٹیم فائنل میں آئے۔

حارث رؤف نے یہ بھی کہا کہ ویرات کوہلی ورلڈ کلاس کھلاڑی ہے، اس نے میرے خلاف بہترین بیٹنگ کی۔

انہوں نے کہا کہ شاہین آفریدی کے ان فٹ ہونے کی وجہ سے بھی کافی فرق پڑا۔

بشکریہ جنگ