حارث رؤف اور میکسویل کے درمیان شرٹس کا تبادلہ

پاکستان کے فاسٹ بولر حارث رؤف اور آسٹریلین کرکٹر گلین میکسویل نے اپنی جرسیاں ایک دوسرے کو تحفے میں دے دیں۔

گلین میکسویل نے فوٹو اینڈ ویڈیو شیئرنگ ایپ انسٹاگرام پر حارث رؤف کے ہمراہ اپنی تصویر شیئر کی جس میں دونوں کرکٹرز کے ہاتھ میں ایک دوسرے کی جرسیاں موجود ہیں۔

گلین میکسویل نے پاکستان ٹیم کے فاسٹ بولر حارث رؤف کی تعریف کی۔

آسٹریلوی کرکٹر گلین میکسویل نے کہا کہ مجھے اس نوجوان پر فخر ہے جیسے یہ آیا ہے، پاکستان ٹیم اور میلبرن اسٹار کے لیے غیر معمولی کارکردگی کا مظاہرہ کیا ہے۔

اُنہوں نے کہا کہ حارث رؤف ایک بہت اچھا انسان اور ساتھی کرکٹر ہے، حارث رؤف کو بحیثیت دوست ’خزانہ‘ سمجھتا ہوں۔

گلین میکسویل نے فاسٹ بولر حارث رؤف کو سپر اسٹار قرار دیا۔

آئی سی سی مینز ٹی ٹوئنٹی ورلڈ کپ کے دوسرے سیمی فائنل میں آسٹریلیا کے ہاتھوں پاکستان کی شکست کے بعد دبئی کے اسٹیڈیم میں آبدیدہ ہوتے بچوں کی ویڈیو سوشل میڈیا پر وائرل ہوگئی۔

واضح رہے کہ آئی سی سی مینز ٹی ٹوئنٹی ورلڈ کپ کے دوسرے سیمی فائنل میں آسٹریلیا نے پاکستان کو ایک مرتبہ پھر ناک آؤٹ مرحلے میں شکست دے کر فائنل کے لیے کوالیفائی کرلیا۔

بشکریہ جنگ