جے یو آئی کے زاہد اکرم درانی کے ڈپٹی اسپیکر بننے کا امکان

قومی اسمبلی میں ڈپٹی اسپیکر کے انتخاب کے لیے کاغذات نامزدگی جمع کرانے کا وقت ختم ہو گیا۔

ذرائع کے مطابق جمعیت علمائے اسلام (جے یو آئی) کے زاہد اکرم درانی کے علاوہ کسی اور نے کاغذات نامزدگی جمع نہیں کرائے۔

ذرائع کا کہنا ہے کہ ڈپٹی اسپیکر کیلئے زاہد اکرم درانی بلامقابلہ منتخب ہوجائیں گے۔

زاہد اکرم درانی کل ڈپٹی اسپیکر قومی اسمبلی کا حلف اٹھائیں گے۔

خیال رہے کہ قومی اسمبلی میں اسپیکر شپ پیپلز پارٹی کے راجہ پرویز اشرف کو دی گئی ہے۔

قومی اسمبلی کے اجلاس کے دوران پاکستان پیپلز پارٹی کے رہنما، سابق وزیرِ اعظم راجہ پرویز اشرف بلا مقابلہ اسپیکر قومی اسمبلی منتخب ہوئے تھے۔

منتخب ہونے کے بعد راجہ پرویز اشرف نے اسپیکر قومی اسمبلی کے عہدے کا حلف اٹھا لیا ہے۔

بشکریہ جنگ