جیت اور ہار کھیل کا حصہ ہوتی ہے، احسن اقبال

مسلم لیگ ن کے جنرل سیکریٹری احسن اقبال کا کہنا ہے کہ جیت اور ہار کھیل کا حصہ ہوتی ہے۔

احسن اقبال نے کرکٹ ورلڈ کپ 2023ء کے سلسلے میں آج بھارتی شہر احمد آباد میں جاری پاک بھارت ٹاکرے پر گفتگو کرتے ہوئے کہا ہے کہ پوری قوم کی دعائیں پاکستان ٹیم کے ساتھ ہیں۔

 احسن اقبال کا کہنا ہے کہ امید ہے پاکستان کے بلے باز سنچریاں بنائیں گے۔

کرکٹ ورلڈ کپ کے سب سے ہائی وولٹیج ٹاکرے میں آج دوپہر ڈیڑھ بجے پاکستان اور بھارت کی ٹیمیں احمد آباد میں ٹکرائیں گی۔

انہوں نے مزید کہا کہ ہماری ٹیم بھارت میں پاکستان کا پرچم بلند کرے گی۔

یاد رہے کہ کرکٹ ورلڈ کپ کے سب سے ہائی وولٹیج ٹاکرے میں بھارت نے پاکستان کے خلاف ٹاس جیت کر پہلے بولنگ کا فیصلہ کیا ہے۔

بشکریہ جنگ