جہانگیر ترین کی طبیعت بہتر، اسپتال سے ڈسچارج کیے جانے کا امکان، جلد واپسی متوقع

تحریک انصاف کے سینئر رہنما جہانگیر خان ترین کی فیملی نے اُن کی طبیعت میں بہتری کی تصدیق کی ہے۔

فیملی ذرائع کے مطابق جہانگیر ترین کی طبیعت میں بہتری آئی ہے، ڈاکٹرز نے طبی رپورٹوں پر اطمینان کا اظہار کیا۔

ذرائع کے مطابق جہانگیر ترین کو 24 گھنٹے میں لندن اسپتال سے ڈسچارج کیے جانے کا امکان ہے۔

فیملی ذرائع کے مطابق جہانگیر ترین کو ڈاکٹرز 4 روز کی آبزرویشن کے بعد سفر کی اجازت دیں گے۔

پاکستان تحریک انصاف (پی ٹی آئی) ترین گروپ کے ارکان پارلیمان جہانگیر ترین فیملی سے رابطے میں ہیں اور پارٹی رہنما کی خیریت دریافت کرتے رہتے ہیں۔

فیملی ذرائع کے مطابق جہانگیر ترین کی واپسی 10 مارچ کے بعد متوقع ہے۔

بشکریہ جنگ