جہانگیر ترین کی صحت میں بہتری، اسپتال سے گھر منتقل

پاکستان تحریک انصاف (پی ٹی آئی) کے رہنما جہانگیر ترین کی صحت میں بہتری آنا شروع ہوگئی ہے، جس کے بعد وہ اسپتال سے گھر منتقل ہوگئے ہیں۔

ذرائع کا کہنا ہے کہ جہانگیر ترین لندن کے اسپتال میں زیر علاج تھے، طبیعت بہتر ہونے کے بعد انہیں گھر بھیج دیا گیا ہے۔

ذرائع کا کہنا ہے کہ جہانگیر ترین دو روز قبل ہی اسپتال سے گھر شفٹ ہوئے تھے، جہانگیر ترین کو پیٹ اور جگر کی تکلیف بتائی جاتی ہے۔

ذرائع کے مطابق جہانگیر ترین ڈاکٹرز کی ہدایت کے مطابق کچھ روز لندن میں آرام کریں گے۔

جہانگیر ترین جلد گروپ کے ارکان سے کانفرنس کال پر بات کریں گے اور ملکی سیاسی صورتحال پر تبادلہ خیال کریں گے۔

واضح رہے کہ جہانگیر ترین چند روز قبل طبیعت کی خرابی کے باعث علاج کے لیے ایئر ایمبولینس کے ذریعے لندن روانہ ہوئے تھے۔

بشکریہ جنگ