جہاز کے پَر کے اوپر چلتے شخص کو دیکھ کر دل دہل گئے

انڈونیشیا کا جزیرہ بالی، سرسبز پہاڑیوں والے خوبصورت مناظر کے لیے مشہور ہے۔یہ ایک بہت مشہور سیاحتی مقام بھی ہے، جو بہت سے مسافروں اور یہاں تک کہ غوطہ خوروں کو اپنی طرف متوجہ کرتا ہے۔

انسٹاگرام پر ’ارتھ پکس‘ کے نام سے پیج نے بالی کے ایک فوٹوگرافر کی دلکش ویڈیو پوسٹ کی ہے۔

ویڈیو میں اس فوٹوگرافر کو ایک پہاڑی کی چوٹی پر کھڑے ہوائی جہاز کے معلق پَر کے اوپر چلتے ہوئے دیکھا جا سکتا ہے۔

ویڈیو دیکھ کر کچھ انٹرنیٹ صارفین کی سانسیں رُک گئیں اور کچھ کے دل دہل گئے۔

ایک صارف کا کہنا ہے کہ اگر میں وہاں ہوتا تو اپنے قدموں پر  قابو نہ رکھتے ہوئے گر پڑتا۔

پوسٹ کے کیپشن کے مطابق طیارے کو پہاڑی کی چوٹی پر زیادہ سے زیادہ سیاحوں کی توجہ مرکوز کرنے کے لیے رکھا گیا ہے۔

بشکریہ جنگ