جہاز سے پرندہ ٹکرانے سے بچانے کیلئے ایئر پورٹس پر جدید خود کار سسٹم نصب ہو گا

جہازوں سے پرندوں کے ٹکرانے کے واقعات پر قابو پانے کے لیے پاکستان سول ایوی ایشن اتھارٹی نے اقدام اٹھانے کا فیصلہ کیا ہے۔

پاکستان سول ایوی ایشن اتھارٹی کے ترجمان کے مطابق 3 بڑے ایئر پورٹس پر جدید خود کار سسٹم نصب کرنے کا فیصلہ کیا گیا ہے۔

ترجمان سی اے اے نے بتایا ہے کہ پہلے مرحلے میں لاہور ایئر پورٹ پر جدید خود کار سسٹم لگایا جائے گا۔

سول ایوی ایشن اتھارٹی نے پاکستان کے ایئر پورٹس پر ہوائی جہازوں کو پرندے ٹکرانے سے محفوظ رکھنے کے لیے بڑے اقدام پر عمل درآمد شروع کر دیا ہے۔

پاکستان سول ایوی ایشن اتھارٹی کے ترجمان کا مزید کہنا ہے کہ دوسرے مرحلے میں اسلام آباد اور کراچی کے ایئر پورٹس پر سسٹم لگایا جائے گا۔

ذرائع کے مطابق ایئر پورٹس کے اطراف کی آبادیوں میں گندگی کے باعث پرندے ایئر پورٹ کی طرف آتے ہیں، یہ پرندے جہاز سے ٹکرا کر حادثے کا سبب بن سکتے ہیں۔

بشکریہ جنگ