جوڈیشل کمپلیکس توڑ پھوڑ: عمر ایوب کی ہائیکورٹ میں پیشی کی کاپی فراہم کرنے کا حکم

اسلام آباد کی انسدادِ دہشت گردی کی عدالت نے جوڈیشل کمپلیکس توڑ پھوڑ کیس کی سماعت کرتے ہوئے سیکریٹری جنرل پی ٹی آئی عمر ایوب کی لاہور ہائی کورٹ میں پیشی کی کاپی کی فراہمی کا حکم دے دیا۔

اسلام آبادکی انسدادِ دہشت گردی کی عدالت میں سیکریٹری جنرل پی ٹی آئی عمر ایوب کے خلاف جوڈیشل کمپلیکس توڑ پھوڑ کیس کی سماعت جج راجہ جواد عباس نے کی۔

سماعت کے دوران عمر ایوب کی جانب سے وکیل حسن سجاد نے آج حاضری سے استثنیٰ کی درخواست دائر کر دی۔

تحریک انصاف کے مرکزی سیکریٹری جنرل عمر ایوب خان نے کہا ہے کہ ایبٹ آباد میں گزشتہ روز سابق ایم این اے عظمیٰ ریاض کے گھر پر پولیس نے چھاپا مارا۔

جج راجہ جواد عباس نے استفسار کیا کہ ضمانت قبل از گرفتاری سے پہلے کون سی درخواستِ استثنیٰ ہوتی ہے؟ عمر ایوب گزشتہ سماعت پر بھی نہیں آئے، آج بھی نہیں آئے۔

وکیلِ صفائی نے بتایا کہ عمر ایوب آج لاہور ہائی کورٹ میں پیش ہوں گے۔

اے ٹی سی جج نے ہدایت کی کہ عمر ایوب کی لاہور ہائی کورٹ میں پیشی کی کاپی فراہم کر دیں۔

اس کے ساتھ ہی اے ٹی سی نے عمر ایوب کی لاہور ہائی کورٹ میں پیشی کی کاپی آنے تک سماعت میں وقفہ کر دیا۔

بشکریہ جنگ