جونیئر اسکواش چیمپئن حمزہ خان کی ایئر چیف مارشل ظہیر احمد بابر سدھو سے ملاقات
پاکستان اسکواش کے ابھرتے ہوئے ستارے حمزہ خان نے ایئر ہیڈ کوارٹرز اسلام آباد میں سربراہ پاک فضائیہ ایئر چیف مارشل ظہیر احمد بابر سدھو سے ملاقات کی۔
ترجمان پاک فضائیہ کے مطابق ایئر چیف مارشل ظہیر احمد بابر سدھو صدر پاکستان اسکواش فیڈریشن کے عہدے پر بھی فائز ہیں۔
ایئر چیف مارشل نے نوجوان کھلاڑی کی شاندار کارکردگی کو سراہا۔
انہوں نے کہا کہ قوم کو حمزہ خان پر فخر ہے جنہوں نے 36 سال بعد ورلڈ چیمپئن شپ جیت کر ملک کا نام روشن کیا۔
ایئر چیف نے کہا کہ حمزہ خان جیسے کھلاڑی ملک کا قیمتی اثاثہ اور قوم کے نوجوانوں کے لیے مشعل راہ ہیں۔
بشکریہ جنگ
Comments are closed.