جن کا کراچی سے کوئی رکن اسمبلی نہیں وہ ہمارے مینڈیٹ کو چیلنج کر رہے ہیں، قادر پٹیل

وفاقی وزیر صحت قادر پٹیل نے کہا ہے کہ کراچی کے جیالوں نے شہریوں کے دل جیت کر مینڈیٹ حاصل کیا ہے۔

ان کا کہنا تھا کہ کراچی سے بلدیاتی انتخابات کی طرح عام انتخابات میں بھی مخالفین کو سرپرائز ملے گا۔ 

وزیر صحت قادر پٹیل نے اپنے بیان میں کہا کہ جن کا کراچی سے نہ کوئی ایم این اے ہے نہ ایم پی اے، وہ ہمارے مینڈیٹ کو چیلنج کر رہے ہیں۔ 

انہوں نے کہا کہ عام انتخابات میں پی ٹی آئی کا صفایا ہو جائے گا۔

وفاقی وزیر کا کہنا تھا کہ عمران خان کے سیاسی مستقبل کا فیصلہ آصف زرداری ہی کریں گے۔

بشکریہ جنگ