جنید صفدر نے اپنے ولیمے پر کونسے ڈیزائنر کا لباس پہنا؟
ایک ہفتے تک جاری رہنے والی شادی کی رنگا رنگ تقریبات کے بعد بالآخر جنید صفدر کا گزشتہ روز ولیمہ بھی ہوگیاجس میں اُنہوں نے ڈیزائنر فراز منان کی تیار کردہ کلاسک کشمیری شیروانی زیب تن کی۔
مسلم لیگ نون کی نائب صدر مریم نواز کے بیٹے جنید صفدر نے اپنے ولیمے پر براؤن رنگ کی شیروانی کا انتخاب کیا جس میں وہ شہزادہ چارمنگ لگے اور اُنہوں نے اپنی پُرکشش شخصیت کی بناء پر سوشل میڈیا صارفین کی توجہ کا مرکز بنے رہے.
دوسری جانب جنید صفدر کی دلہن عائشہ سیف بھی پستہ رنگ کے خوبصورت لباس میں شاندار لگ رہی تھیں، اُنہوں نے سلور رنگ کی خوبصورت ہیروں سے جڑی جیولری کا انتخاب کیا اور ساتھ ہی ہلکا میک اپ کیا۔
جنید صفدر اور اہلیہ کی ولیمے کی تصاویر سوشل میڈیا کی زینت بنی ہوئی ہیں جہاں اُن کے تعریفی تبصروں کا سلسلہ عروج پر ہے۔
واضح رہے کہ جنید صفدر کے ولیمے کی تقریب کا اہتمام شریف خاندان کی جاتی امرا کی رہائش گاہ پر کیا گیا تھا، خاندان کے ترجمان کے مطابق، مہمانوں کو سختی سے مشورہ دیا گیا تھا کہ وہ حفاظتی اقدامات کے باعث اپنے دعوت کے کارڈز ساتھ رکھیں۔
جنید صفدر اور عائشہ سیف کا نکاح 22 اگست کو لندن میں ہوا تھا اور سوشل میڈیا پر اِن کے نکاح کی تصویریں اور ویڈیوز بھی خوب وائرل ہوئی تھیں۔
Comments are closed.