جنگی تیاری چیک کرنے کیلئے روسی لڑاکا طیاروں کی مشقیں

روس نے بالٹک سمندر پر لڑاکا طیاروں کی ٹیکٹیکل مشقیں کی ہیں۔

اس حوالے سے روس کی وزارتِ دفاع نے بیان جاری کیا ہے جس میں کہا گیا ہے کہ مشقوں کا مقصد جنگی اور خصوصی کاموں کی تیاری کی جانچ کرنا ہے۔

روسی وزارتِ دفاع کا کہنا ہے کہ ویگنر گروپ اپنے ہتھیار وزارتِ دفاع کے حوالے کرنے کی تیاری کر رہا ہے۔

واضح رہے کہ گزشتہ روز روسی لڑاکا طیاروں نے بحیرہ اسود پر 3 برطانوی فوجی طیاروں کا راستہ روکا تھا۔

ماسکو سے روسی وزارتِ دفاع کے مطابق تینوں برطانوی جنگی طیارے روسی سرحد کی طرف بڑھنے کی کوشش کر رہے تھے۔

بشکریہ جنگ