جنوبی پنجاب صوبے کیلئے حکومت کی اپوزیشن کو دعوت

جنوبی پنجاب صوبے کے قیام کے لیے وفاقی حکومت نے اپوزیشن جماعتوں کو دعوت دے ڈالی۔

وزیرِ خارجہ مخدوم شاہ محمود قریشی کا اس حوالے سے کہنا ہے کہ اپوزیشن جماعتیں آئیں اورجنوبی پنجاب صوبے کے لیے راستہ نکالیں۔

انہوں نے کہا کہ اپوزیشن جماعتیں آئیں، جنوبی پنجاب صوبے کے معاملے پر غورکریں اور وفاق کو مضبوط کریں۔

وزیر خارجہ شاہ محمود قریشی نے جنوبی پنجاب صوبے پر پیپلز پارٹی سے ساتھ دینے کا وعدہ مانگ لیا۔

شاہ محمود قریشی نے بتایا کہ جنوبی پنجاب صوبے کے قیام کے حوالے سے گزشتہ روز کابینہ اجلاس کے بعد وزیرِ اعظم عمران خان سے بات ہوئی ہے۔

وزیرِ خارجہ نے یہ بھی کہا کہ جنوبی پنجاب صوبے کے قیام کا سہرا تمام جماعتوں کو جائے گا، ہم اس کا سارا کریڈٹ نہیں لینا چاہتے۔

بشکریہ جنگ