جنرل اسپتال لاہور کی دوسری منزل سے چھلانگ لگانے والی خاتون کیلئے 48 گھنٹے انتہائی اہم

لاہور میں جنرل اسپتال کی دوسری منزل سے چھلانگ لگانے والی خاتون اب تک وینٹی لیٹر پر ہے اور اس کے لیے 48 گھنٹے انتہائی اہم ہیں۔

اسپتال انتظامیہ کے مطابق خاتون کا دماغ صحیح طور پر کام نہیں کر رہا ہے، خاتون کے ہاں 2 روز قبل قصور میں تیسری بیٹی کی پیدائش ہوئی تھی۔

اس حوالے سے اسپتال انتظامیہ کا کہنا ہے کہ قصور میں آپریشن کے بعد خاتون کی طبیعت بگڑ گئی تھی، خاتون کو گزشتہ روز قصور سے جنرل اسپتال منتقل کیا گیا تھا جہاں اس کا دوبارہ آپریشن کیا گیا تھا۔

واضح رہے کہ خاتون نے گزشتہ روز لیبر روم کے واش روم سے چھلانگ لگا دی تھی۔

بشکریہ جنگ