جماعت اسلامی کا پٹرولیم مصنوعات کی قیمتوں میں اضافے کیخلاف ملک گیر احتجاج کا اعلان

جماعت اسلامی نے پٹرولیم مصنوعات کی قیمتوں میں اضافے کے خلاف دو روزہ ملک گیر احتجاج کا اعلان کردیا۔

ترجمان سندھ حکومت مرتضی وہاب نے کہا کہ عوام کی طاقت سے اس نااہل حکومت کو گھر بھیجیں گے، عوام بلاول بھٹو کے ہاتھ مضبوط کریں۔

امیر جماعت سراج الحق کا کہنا ہے کہ جمعرات اور جمعے کو ہر شہر میں حکومت کی عوام دشمن پالیسیوں کے خلاف مظاہرے کیے جائیں گے۔

انہوں نے مطالبہ کیا کہ حکومت فی الفور پٹرولیم مصنوعات کی قیمتیں 50 فیصد کم کرے، لیوی اور کسٹم ڈیوٹی ختم کرکے عوام کو سبسڈی دی جائے۔

امیر جماعت اسلامی نے یہ بھی کہا کہ اشیائے خورونوش، ادویات اور بجلی کی قیمتیں بھی آدھی کی جائیں۔

بشکریہ جنگ