جماعتِ اسلامی کا دھرنا: گورنر سندھ کی ہر ممکن تعاون کی پیشکش

گورنر سندھ کامران ٹیسوری نے امیرِ جماعت اسلامی کراچی حافظ نعیم الرحمٰن کو ٹیلی فون کیا ہے۔

ترجمان گورنر ہاؤس کا کہنا ہے کہ گورنر سندھ نے حافظ نعیم الرحمٰن سے گفتگو کرتے ہوئے دھرنے کے شرکاء کے لیے ہر ممکن تعاون کی پیشکش کی ہے۔

گورنر سندھ نے کہا ہے کہ دھرنے کے شرکاء کے لیے کسی بھی چیز کی ضرورت ہو مجھے ضرور بتائیں۔

جماعت اسلامی نے بجلی قیمتوں کے خلاف کل گورنر ہاؤس سندھ پر دھرنا دینے کا اعلان کر دیا۔

کامران ٹیسوری نے گفتگو کے دوران امیرِ جماعتِ اسلامی سراج الحق کو سلام بھی کہا ہے۔

واضح رہے کہ جماعتِ اسلامی نے بجلی کی قیمتوں کے خلاف آج گورنر ہاؤس سندھ پر دھرنا دینے کا اعلان کر رکھا ہے۔

بشکریہ جنگ