جس کیس میں ضمانت ہوچکی اس میں پولیس گرفتار کرنے پہنچی ہے، مونس الہیٰ

پی ٹی آئی کے صدر چوہدری پرویز الہٰی کے بیٹے مونس الہٰی کا کہنا ہے کہ جس کیس میں ضمانت ہوچکی اس میں پولیس گرفتار کرنے پہنچی ہے۔

پرویز الہیٰ کے گھر پر پولیس چھاپے کی مذمت کرتے ہوئے مونس الہٰی نے کہا کہ عمران خان ٹھیک کہتے ہیں پاکستان میں قانون کی حکمرانی ختم ہوگئی ہے۔

پاکستان تحریک انصاف (پی ٹی آئی) کے صدر چوہدری پرویز الہٰی کے گھر میں پولیس اہلکار دیواریں پھلانگ کر داخل، بکتر بند گاڑی سے گھر کا دروازہ توڑ دیا گیا ہے۔

انہوں نے کہا کہ پرویز الہیٰ کی ضمانت کی کارروائی کو میڈیا نے کور کیا تھا۔

دوسری جانب پرویز الہیٰ کے وکیل عامر سعید راں کا کہنا ہے کہ جسٹس طارق سلیم شیخ نے 6 مئی تک ضمانت قبل از گرفتاری دی۔

ان کا کہنا تھا کہ ہائی کورٹ کا تصدیق شدہ آرڈر ہمیشہ اگلے دن ملتا ہے، ہم نے ان کی کورٹ کے اہلکار سے بات بھی کروادی تھی۔

بشکریہ جنگ