جس میں اللّٰہ کی رضا ہے ہم اس میں ہمیشہ راضی ہیں، محمد رضوان

پاکستان کرکٹ ٹیم کے وکٹ کیپر بیٹر محمد رضوان کا کہنا ہے کہ جس میں اللّٰہ کی رضا ہے ہم اس میں ہمیشہ راضی ہیں۔

آئی سی سی ٹی ٹوئنٹی کرکٹ ورلڈکپ 2022 کے فائنل کے بعد محمد رضوان نے اپنے ٹوئٹر پیغام میں جذبات کا اظہار کرتے ہوئے کہا کہ الحمداللّٰہ ہم اٹھائے ہوئے تھے سر اپنے اور جس میں اللّٰہ کی رضا ہم اس میں ہمیشہ راضی ہیں۔

محمد رضوان نے مزید کہا کہ ہم جاگتی آنکھوں سے خواب دیکھتے رہیں گے، اور اچھا کھیلنے کے لیے اپنی محنت کو جاری رکھیں گے۔

اپنے پیغام میں انہوں نے ٹیم کو سپورٹ کرنے پر مداحوں کا شکریہ بھی ادا کیا۔ 

وکٹ کیپر بیٹر نے ٹی ٹوئنٹی ورلڈکپ جیتنے والی انگلینڈ کرکٹ ٹیم کی تعریف بھی کی۔

بشکریہ جنگ