جدہ ایئرپورٹ پر غیرمعمولی رش، تمام بین الاقوامی پروازیں تاخیر کا شکار

پاکستان انٹرنیشنل ایئرلائن کے حکام کا کہنا ہے کہ سعودی عرب کے جدہ انٹرنیشنل ایئرپورٹ پر غیر معمولی رش کی وجہ سے پی آئی اے سمیت مختلف غیرملکی ایئرلائنز کی پروازیں تاخیر کا شکار ہیں۔

ایسے میں پی آئی اے حکام نے مسافروں کی سہولت کے لیے اقدامات کیے ہیں۔

چیف ایگزیکٹو آفسر (سی ای او) پاکستان انٹرنیشنل ایئرلائنز (پی آئی اے) نے جدہ ایئرپورٹ حکام سے ٹیلی فونک رابطہ کیا ہے اور حکام سے پی آئی اے مسافروں کو سہولت فراہم کرنے کے لیے معاونت کی درخواست کی ہے۔

وفاقی وزیر ہوابازی کی جانب سے پی آئی اے کو تاخیر سے متاثرہ مسافروں کو ہوٹل فراہم کرنے کی ہدایات کی ہے۔

پروازوں سے متعلق بروقت معلومات کے لیے پی آئی اے کے اسٹیشن منیجر طارق مجید 3203438 54 +966 یا نائب اسٹیشن منیجر خضر 4553342 55 +966 سے رابطہ قائم کیا جاسکتا ہے۔

ترجمان پی آئی اے کے مطابق پروازوں سے متعلق معلومات پی آئی اے کے کال سینٹر 786 786 111 سے بھی حاصل کی جاسکتی ہیں۔

بشکریہ جنگ