ججز کے لیے پی ایس ایل کے وی آئی پی پاسز مانگے جانے کا انکشاف
ملتان کے اعلیٰ ججز کے لیے پاکستان سپر لیگ (پی ایس ایل) کے وی آئی پی پاسز مانگے جانے کا انکشاف ہوا ہے۔
سینئر ایڈیشنل رجسٹرار لاہور ہائی کورٹ ملتان بینچ نے منیجر ملتان کرکٹ اسٹیڈیم کو خط لکھا کہ ججز اور ان کے اہل خانہ پی ایس ایل دیکھنا چاہتے ہیں، افتتاحی تقریب کے لیے چیئرمین باکس مختص کیا جائے۔
خط میں لکھا گیا کہ مزید 30 وی آئی پی پاسز بھی دیے جائیں، اس کے علاوہ ملتان میں ہر میچ کے 25 وی آئی پی پاسز کا علیحدہ بندوبست کیا جائے۔
خط میں منیجر ملتان کرکٹ اسٹیڈیم سے گاڑیوں کے خصوصی پارکنگ اسٹیکرز بھی مانگے گئے ہیں۔
یہ خط کچھ دیر میں سوشل میڈیا پر وائرل ہوگیا، جس کے بعد سینئر ایڈیشنل رجسٹرار نے پاسز مانگنے کا خط واپس لے لیا۔
انہوں نے دوسرا خط بھیج کر لکھا حکامِ بالا کے احکامات پر پاسز مانگنے کا خط واپس لیا جاتا ہے۔
بشکریہ جنگ
Comments are closed.