جب تک لاہور PSL نہیں جیتے گا تب تک شادی نہیں کروں گا: نوجوان جوڑے کے پلے کارڈ پر انضمام الحق کا تبصرہ

قومی کرکٹ ٹیم کے سابق کپتان انضمام الحق نے قذافی اسٹیڈیم میں انوکھا پلے کارڈ لیکر آنے والے نوجوان جوڑے پر تبصرہ کیا ہے۔

جیونیوز کے پروگرام ’جشنِ کرکٹ‘ میں گفتگو کرتے ہوئے انضمام الحق نے کہا کہ ’اس سیزن میں لاہور قلندرز کی جو پرفارمنس چل رہی ہے، اُس حساب سے لگتا ہے کہ رواں سال ہی اس جوڑے کی شادی ہوجائے گی۔‘

انضمام الحق نے رواں سیزن لاہور قلندرز کی پرفارمنس کی تعریف کی اور ساتھ ہی کپتان شاہین شاہ آفریدی کی صلاحیتوں کی تعریف بھی کی۔

واضح رہے کہ پاکستان سپر لیگ (پی ایس ایل) 7 کے 17ویں میچ میں لاہور قلندرز اور ملتان سلطانز کے میچ کے دوران ایک نوجوان جوڑا ایک دلچسپ پلے کارڈ لے کر اسٹیڈیم پہنچا۔

لاہور قلندرز کے مداح نے پلے کارڈ پر لکھا کہ جب تک لاہور قلندرز پی ایس ایل کا ایونٹ نہیں جیتے گی میں شادی نہیں کروں گا۔

بشکریہ جنگ