جاپان میں معروف پیس واکر کھرل زادہ کے اعزاز میں خصوصی تقریب

جاپان میں پاکستانی کمیونٹی کی جانب سے معروف پیس واکر کھرل زادہ کے اعزاز میں خصوصی تقریب کا انعقاد کیا گیا۔

اس تقریب کا انعقاد پاک جاپان پیس واک ہیرو شیما تاناگا ساکی کی بھرپور کامیابی کے سلسلے میں کیا گیا تھا۔

تقریب کے اختتام پر معروف کاروباری شخصیت خرم ایوب بھٹی کی طرف سے کھرلزادہ کثرت رائے کو ایگ گاڑی کا تحفہ بھی دیا گیا۔

تقریب کے مہمان خصوصی مسلم لیگ ن جاپان کے صدر ملک نور احمد اعوان تھے جبکہ دیگر افراد نے بھی تقریب میں شرکت کی۔

یاد رہے کہ کھرل زادہ کثرت راۓ پاک جاپان پیس واک ہیرو شیما تاناگا ساکی کے لیے جاپان آئے ہوئے ہیں جو 15 فروری کو پیس پارک ہیروشیما سے شروع ہوکر 21 فروری کو ناگاسا کی پہنچنے پر مکمل ہوگی۔

اس موقع پر خطاب کرتے ہوۓ کھرلزادہ کثرت راۓ نے کہا کہ اوور سیز پاکستانی ہمارا اثاثہ ہیں اور انہوں نے ہر مشکل گھڑی میں پاکستان کا ساتھ دیا ہے۔

انہوں نے کہا کہ وطن عزیز کو اس وقت بہت سارے اندرونی و بیرونی چیلنجز کا سامنا ہے۔

بشکریہ جنگ