جاپان مسئلہ کشمیر کو حل کرا سکتا ہے،صدر آزاد کشمیر

اسلام آباد:صدر آزاد جموں وکشمیر بیرسٹر سلطان محمود چوہدری نے کہا ہے کہ جاپان انڈیا اور پاکستان دونوں ممالک کا دوست ہے لہذا وہ مسئلہ کشمیر کو حل کرانے کے لئے اپنا بھرپور کردار ادا کر سکتا ہے جبکہ جاپان ایشیاء میں واحد ملک ہے جو خطے میں بہتر ی کے لئے اپنا رول ادا کر سکتا ہے۔

صدر آزاد جموں وکشمیر نے کہا کہ  پاک بھارت دونوں ایٹمی طاقتیں ہیں اور دونوں ممالک کے درمیان کوئی بھی چھوٹا یا بڑا حادثہ ایک بڑی جنگ کا پیش خیمہ ثابت ہو سکتا ہے۔

بیرسٹر سلطان کا کہنا تھا کہ جاپان چونکہ خود بھی ایٹمی تباہ کاریوں سے گزر چکا ہے لہذا وہ جنوبی ایشیاء کی سنگین صورتحال کو بخوبی سمجھ سکتا ہے لہذا جاپان دونوں ممالک کے درمیان مسئلہ کشمیر کے حل کے لئے اپنی کوششیں کر ے۔

صدر آزاد جموں وکشمیر نے کہا کہ جاپان ناگاساکی اور ہیروشیما میں ایٹمی تباہ کاریوں کو دیکھ چکا ہے اس لئے وہ جنوبی ایشیاء کی صورتحال سے بخوبی واقف ہو سکتا ہے کیونکہ پاکستان اور بھارت ایٹمی طاقتیں ہیں دونوں کے درمیان کوئی بھی چھوٹا یا بڑاواقعہ جنوبی ایشیاء میں ایک سنگین صورتحال کو جنم دے سکتا ہے جو کہ پوری دنیا کے امن کے لئے خطرے کا باعث بن سکتا ہے۔

انہوں نے مزید کہا کہ   لہذا جاپان دونوں ممالک کے درمیان مسئلہ کشمیر کو حل کرانے کے لئے اپنی کاوشیں کرے۔