جاوید علی میمن کو ایچ ای سی میں بڑا عہدہ مل گیا

ہائر ایجوکیشن کمیشن کے کھیلوں اور ہم نصابی سرگرمیوں کے شعبہ کے ڈائریکڑ انجینئر جاوید علی میمن کو مبشر میمن کی جگہ ایچ ای سی ریجنل سینٹر کراچی کا انچارج ڈائریکٹر مقرر کردیا گیا ہے۔

 مبشر میمن کے ریٹائر ہونے پر جاوید علی میمن ان کی جگہ عہدہ سنبھالیں گے۔

 انجینئر جاوید علی میمن نے کراچی پہنچ کر اپنے عہدے کا چارج سنبھال لیا ہے، انجینئر جاوید ممین اس سے پہلے بھی ایچ ای سی کراچی کے ریجنل سینٹر کے انچارج ڈائریکٹر رہ چکے ہیں۔

ہائر ایجوکیشن کمیشن (ایچ ای سی) کے چیئرمین ڈاکٹر طارق بنوری کو مدت ختم ہونے سے قبل ہی فارغ کردیا گیا ہے جس کا باقاعدہ نوٹیفیکشن بھی جاری کردیا گیا ہے۔

کراچی میں واقع ایچ ای سی کا ریجنل سینٹر کراچی سندھ کی حدود میں واقع تمام نجی و سرکاری جامعات اور اسناد تقویض کرنے والے انسٹیٹیوٹس کے معالات کو دیکھتا ہے، اسناد کی تصدیق کرتا ہے اور اساتذہ کی تربیت کراتا ہے۔

بشکریہ جنگ