ثاقب نثار ملک کیلئے تباہی لے کر آئے، طلال چوہدری

پاکستان مسلم لیگ (ن) کے رہنما طلال چوہدری کا کہنا ہے کہ آج ایک اور آڈیو لیک نے نواز شریف کی بے گناہی ثابت کردی، ثاقب نثار اس ملک کے لیے تباہی لے کر آئے۔

فیصل آباد میں پریس کانفرنس کے دوران طلال چوہدری نے کہا کہ عمران خان کو پاکستان پر مسلط کرنے والے ثاقب نثار ہیں۔

رہنما مسلم لیگ ن نے کہا کہ نواز شریف کی سزا آج بھی برقرار ہے اور کتنی گواہیاں درکار ہیں، آپ اس پر آنکھیں بند کریں تو تاریخ آپ کو معاف نہیں کرے گی۔

انہوں نے کہا کہ ان آڈیوز اور ویڈیوز پر نوٹس ہونا چاہیے۔

طلال چوہدری نے پریس کانفرنس میں نازیبا لفظ بھی استعمال کیا۔

بشکریہ جنگ