تیمر گرہ: 2 گروہوں میں فائرنگ کا تبادلہ، 4 بچے زخمی

خیبر پختون خوا کے ضلع لوئر دیر کے شہر تیمر گرہ کے قریبی علاقے دانوہ میں فریقین کے درمیان فائرنگ کا تبادلہ ہوا ہے جس کے نتیجے میں 4 بچے زخمی ہو گئے۔

لوئر دیرپولیس کے مطابق فائرنگ کی زد میں آ کر اسکول جانے والے 4 بچے زخمی ہو گئے۔

زخمی بچوں کو ڈسٹرکٹ ہیڈ کوارٹر اسپتال تیمر گرہ منتقل کر دیا گیا ہے۔

تیمرگرہ کے قریب گاوں رانئی میں پی ٹی آئی اور جے یو آئی کارکنوں میں جھگڑا ہوا ہے۔

لوئر دیر پولیس کا کہنا ہے کہ زخمی بچوں کی عمریں 11 سے 14 سال کے درمیان ہیں۔

بشکریہ جنگ