تیل پائپ لائن تک رسائی کیلئے چوروں نے پورا ہوٹل کرائے پر لے لیا

جنوبی کوریا میں چوروں نے ایک پورا ہوٹل کرائے پر لے لیا تاکہ تیل کی پائپ لائن تک پہنچنے کیلئے سرنگ کھودی جاسکے۔

چیونگجو نامی شہر میں 8 ملزمان نے ہوٹل کرائے پر لیا اور پورے ایک مہینے تک خفیہ سرنگ کھودتے رہے تاکہ قریبی تیل پائپ لائن تک رسائی حاصل کی جاسکے۔

اس بیماری کے علاج کیلئے واحد دوا صرف امریکا سے درآمد ہوتی ہے جس کی قیمت ایک لاکھ ڈالر ہے۔

ملزمان کو گرفتار کرلیا گیا ہے، کہا جا رہا ہے کہ یہ منصوبہ کوریا کی سرکاری تیل کمپنی کے ایک سابق ملازم نے بنایا تھا جسے تیل چرانے کے الزام میں برخاست کر دیا گیا تھا۔

میڈیا رپورٹ کے مطابق ملزمان نے ماہانہ 45 لاکھ وون پر ہوٹل کو کرائے پر حاصل کیا، ملزمان کھدائی کیلئے صرف کدال استعمال کر رہے تھے تاکہ کسی کو شور کی آواز نہ جائے۔

ایک مہینے میں ملزمان نے 10 میٹر گہری کھدائی کی تھی اور تیل پائپ لائن تک پہنچ گئے تھے۔

ابھی وہ اس کا جشن منا ہی رہے تھے کہ چھاپہ پڑ گیا اور سب کو گرفتار کرلیا گیا۔

بشکریہ جنگ