توہین الیکشن کمیشن کیس میں فواد چوہدری کی معافی مسترد

توہین الیکشن کمیشن کیس میں الیکشن کمیشن آف پاکستان نے فواد چوہدری کی معافی مسترد کردی۔

الیکشن کمیشن کا کہنا ہے کہ فواد چوہدری شوکاز نوٹس کا جواب 15 اگست تک جمع کروائیں۔

چیف الیکشن کمشنر سکندر سلطان راجہ کی سربراہی میں 5 رکنی کمیشن نے فیصلہ جاری کردیا، جس میں کہا گیا ہے کہ فواد چوہدری نے تحریری معافی جمع کروائی۔

الیکشن کمیشن نے کہا کہ فواد چوہدری نے مشروط معافی مانگی اس میں کوئی افسوس کا اظہار نہیں، انہوں نے نےالیکشن کمیشن کے خلاف توہین آمیز الزامات لگائے۔

فیصلے میں کہا گیا کہ فواد چوہدری نے الیکشن کمیشن کے خلاف توہین آمیز ریمارکس دیے، معاملہ حساس نوعیت کا ہے، مشروط معافی سےتلافی نہیں ہوسکتی۔ معافی غیرمشروط ہونی چاہیے۔

بشکریہ جنگ