تمیم اقبال نے کرکٹ سے ریٹائرمنٹ واپس لے لی

بنگلادیش کی ایک روزہ کرکٹ ٹیم کے کپتان تمیم اقبال نے بین الاقوامی کرکٹ سے ریٹائرمنٹ کا فیصلہ واپس لے لیا۔

میڈیا رپورٹس کے مطابق 34 سالہ تیم اقبال نے گزشتہ روز انٹرنیشنل کرکٹ سے ریٹائرمنٹ کا اعلان کیا تھا۔

میڈیا رپورٹس کے مطابق بنگلادیشی اوپنر نے آج وزیراعظم حسینہ واجد سے ملاقات کی، جس کے بعد انہوں نے فیصلہ کیا کہ وہ ریٹائرمنٹ واپس لے رہے ہیں۔

تمیم اقبال نے ٹیم بنگلادیش کےلیے 241 ایک روزہ میچز کھیلے، جس میں 8 ہزار 313 رنز اسکور کیے، جن میں 14 سنچریاں اور 56 نصف سنچریاں بھی شامل ہیں۔

بشکریہ جنگ