تمام پاکستانیوں نے بھکاری کا کشکول باہر اُٹھا کر پھینکنا ہے، آرمی چیف

آرمی چیف جنرل عاصم منیر کا کہنا ہے کہ پاکستانی غیرت مند، غیور اور باصلاحیت قوم ہے، تمام پاکستانیوں نے بھکاری کا کشکول باہر اُٹھا کر پھینکنا ہے۔

خانیوال ماڈل ایگریکلچر فارم کی افتتاحی تقریب سے خطاب کرتے ہوئے آرمی چیف نے کہا کہ اللّٰہ تعالیٰ نے پاکستان کو تمام نعمتوں سے نوازا ہے، ہم نے فیصلہ کیا ہے پاکستان کو موجودہ بحران سے نکال کر دم لیا جائے گا۔

جنرل عاصم منیر نے کہا کہ فوج عوام سے ہے اور عوام فوج سے، پاک فوج کو اپنی قوم کی خدمت کرنے پر فخر ہے، ریاست ماں کی طرح ہوتی ہے، عوام اور ریاست کا رشتہ محبت اور احترام کا ہے۔

آرمی چیف نے یہ بھی کہا کہ پاکستان میں زرعی انقلاب آ کر رہے گا، انشا اللّٰہ، ہم اس ماڈل فارم کی طرز پر جدید فارم بنائیں گے جس سے چھوٹے کسان کو فائدہ ہوگا، گرین انیشیٹو کا یہ دائرہ کار پورے پاکستان تک پھیلایا جائے گا، سیکیورٹی اور معیشت کا چولی دامن کا ساتھ ہے۔

آرمی چیف نے علامہ اقبال کا شعر پڑھ کر ملک و ملت کے ہرفرد کی ملکی ترقی میں اہمیت پر زور دیا۔

افراد کے ہاتھوں میں ہے اقوام کی تقدیر
ہر  فرد  ہے  ملت  کے  مقدر  کا  ستارہ

بشکریہ جنگ