ترین گروپ کے اجلاس کی اندرونی کہانی سامنے آگئی

پاکستان تحریک انصاف ( پی ٹی آئی ) کے جہانگیر ترین گروپ  کے رہنما  اسحاق خاکوانی کی رہائش گاہ پر ہونے والے مشاورتی اجلاس کی اندرونی کہانی سامنے آگئی۔

ذرائع کا کہنا ہے کہ ترین گروپ کے رہنما اسحاق خاکوانی کی رہائش گاہ پر اجلاس میں پنجاب کی تحریک عدم اعتماد کے متعلق مشاورت کی جائے گی۔

ذرائع کا کہنا ہے کہ پرویز الہٰی کی حمایت سے متعلق تاحال کوئی فیصلہ نہ ہوسکا،  جبکہ اجلاس میں اتفاق کیا گیا کہ وفاق میں تحریک عدم اعتماد کے فیصلے کے بعد حتمی فیصلہ کیا جائے۔

ذرائع ترین گروپ کا کہنا ہے کہ پرویز الہٰی کی حمایت پر بعض اراکین کے تحفظات ہیں۔

ذرائع  کا کہنا ہے کہ ترین گروپ نے ہم خیال گروپ، علیم گروپ اور اپوزیشن سے رابطے جاری رکھنے کا فیصلہ کیا ہے، جبکہ اجلاس میں جہانگیر ترین کو تمام سیاسی رابطوں سے آگاہ کیا گیا۔

بشکریہ جنگ