ترکیہ اور شام میں زلزلہ، جانی دشمن بھی ایک دوسرے سے ہمدردی کرنے لگے

ترکیہ اور شام سمیت دیگر خطے میں آنے والے قیامت خیز زلزلے سے صرف انسان ہی نہیں بلکہ جانور بھی شدید متاثر ہوئے۔ 

ایسے ہی متاثر ہونے والے ایک کتے اور بلی کی تصویر سوشل میڈیا پر خوب وائرل ہو رہی ہے۔

سوشل میڈیا کے مختلف پلیٹ فارمز پر وائرل ہونے والی ایک تصویر میں جانی دشمن سمجھے جانے والے کتے اور بلی کو ایک دوسرے سے ہمدردی کرتے ہوئے دیکھا جاسکتا ہے۔

قیامت سے پہلے قیامت کا منظر پیش کرنے والے زلزلے کے دل خراش مناظر نے صرف انسانوں کی آنکھوں کو ہی نم نہیں کیا بلکہ جان لیوا زلزلے میں محفوظ رہنے والے کتے اور بلی کی آنکھیں بھی نم ہیں اور اس قدرتی آفت پر مایوس ، اداس اور دکھ کا باخوبی اظہار کر رہی ہیں۔

سوشل میڈیا پر وائرل ان تصاویر کے کمنٹس میں تبصرہ کرتے ہوئے صارفین بھی ان کے غم کو دل کی گہرائیوں سے محسوس کر رہے ہیں۔ 

بشکریہ جنگ