ترکی، زلزلے کے 10 روز بعد ملبے سے 17 سالہ لڑکی کو زندہ نکال لیا گیا

ترکی میں زلزلے کے 10 روز بعد ملبے سے 17 سالہ لڑکی کو زندہ نکال لیا گیا۔

ترکی میں آنے والے ہولناک زلزلے کے بعد جہاں قیامت جیسے مناظر دیکھنے کو ملے وہیں دنیا نے ایسے کمالات بھی دیکھے جن پر حیران ہوئے بغیر رہا نہیں گیا۔

غیرملکی میڈیا کے مطابق 10 دن بعد ملبے سے 17 سالہ نوجوان لڑکی کو زندہ نکال لیا گیا۔

عرب میڈیا کا کہنا ہے کہ ترکیہ اور شام میں اموات کی مجموعی تعداد 41 ہزار سے زیادہ ہوگئی ہے۔

اس موقع پر وہاں موجود ریسکیو اہلکاروں اور لڑکی کے رشتے داروں نے خوشی کا اظہار کیا۔

رپورٹس کے مطابق لڑکی کو ملبے سے نکالنے کے بعد اسے طبی امداد کے لیے اسپتال منتقل کردیا گیا ہے۔

بشکریہ جنگ