ترجمان وزیراعظم آفس کا عدم اعتماد سے متعلق خبروں پر بیان

وزیراعظم آفس کے ترجمان نے عدم اعتماد سے متعلق میڈیا پر چلنے والے خبروں کو بے بنیاد قرار دے دیا۔

ترجمان وزیراعظم آفس نے کہا ہے کہ عدم اعتماد سے متعلق ایک میڈیا چینل پر بےبنیاد خبریں چلائی جارہی ہیں۔

ترجمان کے مطابق کہا جارہا ہے کہ اپوزیشن کے ارکان کو اسمبلی تک پہنچنے میں رکاوٹ ڈالی جائے گی، وزیر اعظم آفس اس خبر کی سختی سے تردید کرتا ہے اور ایسی یک طرفہ پروپیگنڈا مہم کی سخت مذمت کرتا ہے۔

حکومت کا منصوبہ یہ بھی ہے کہ پی ٹی آئی کے احتجاج کرنے والوں کو ڈی چوک سے آگے رسائی دے دی جائے۔

ترجمان وزیراعظم آفس کے مطابق وزیر اعظم جمہوری عمل پر مکمل یقین رکھتے ہیں اور کسی بھی غیر آئینی اقدام کے مخالف ہیں۔ 

بشکریہ جنگ