تربت ایئرپورٹ پر پروازوں سے متعلق ہدایت نامہ جاری

سول ایوی ایشن نے تربت ایئرپورٹ پر شیڈول اور نان شیڈول پروازوں کے متعلق ہدایت نامہ جاری کردیا ہے۔

سی اے اے کے مطابق تربت ایئرپورٹ پر نان شیڈول فلائٹ کی آمد و روانگی سے متعلق 24 گھنٹے پہلے آگاہ کرنا ہوگا۔

تربت ایئرپورٹ پر ہفتہ وار منگل، جمعرات اور ہفتے کے روز شیڈول فلائٹس کا آپریشن ہوگا۔

شیڈول فلائٹس کا فضائی آپریشن بتائے گئے وقت کے تحت ہوگا، سی اے اے کی جانب سے تربت ایئرپورٹ کے لیے ہفتہ وار تین روز کے دوران مختلف اوقات میں فلائٹ آپریشن کا شیڈول بھی جاری کردیا گیا ہے۔

سی اے اے نے تربت ایئرپورٹس سے متعلق نوٹم جاری کرکے ایئر لائنز کو آگاہ کردیا ہے۔

بشکریہ جنگ