بیٹرز کی بنیادی اسکلز پر کام کر رہا ہوں، محمد یوسف

ایشیا کپ میں مصروف پاکستانی انڈر 19 کرکٹ ٹیم کے ہیڈ کوچ محمد یوسف نے کہا ہے کہ بیٹرز کی بنیادی اسکلز بہتر بنانے پر کام کر رہا ہوں۔

دبئی میں انڈر 19 کرکٹ ٹیم کی گزشتہ روز روایتی حریف بھارت کے خلاف بڑی کامیابی حاصل کی۔

ایشین کرکٹ کونسل (اے سی سی) انڈر 19 کپ میں بھارت کے خلاف شاندار سنچری اسکور کرنے پر اذان اویس کو پلیئر آف دی میچ کا ایوارڈ دیا گیا۔

پاکستان کرکٹ بورڈ (پی سی بی) کی جانب سے سوشل میڈیا پر شیئر ویڈیو میں محمد یوسف نے کہا کہ پاکستان انڈر 19 کے بیٹرز کی بنیادی اسکلز بہتر بنانے پر کام کر رہا ہوں۔

انہوں نے کہا کہ کھلاڑی کی گیپ میں شارٹ کھیلنے کی تکینک بہتر کی جارہی ہے، نوجوان بیٹرز کے قدموں کے استعمال کی تکنیک درست نہیں ہوتی۔

ہیڈ کوچ نے مزید کہا کہ یہی وقت ہے نوجوان بیٹرز کی تکنیک کو بہتر کیا جائے، عموماً جونیئر سطح پر تیکنک پر کام نہیں کیا جاتا ہے۔

پاکستان انڈر 19 ٹیم کے ہیڈ کوچ محمد یوسف نے کہا ہے کہ محمد ذیشان میں ایک غیر معمولی ٹیلنٹ ہے۔

اُن کا کہنا تھا کہ بحیثیت ہیڈ کوچ میرا مقصد جونئیر کھلاڑیوں کی ڈیولپمنٹ کرنا ہے، یہ عہدہ چینلج سمجھ کر قبول کیا تھا۔

محمد یوسف نے یہ بھی کہا کہ جب کھلاڑی پاکستان ٹیم میں جاتا ہے تو اس وقت تیکنک بہتر کرنا مشکل ہوتی ہے۔

انہوں نے کہا کہ نوجوان بیٹرز میں بیک فورٹ اور فرنٹ فورٹ کی مومنٹ میں کمی ہے، جونئیر کھلاڑیوں کو بتایا کہ میچ سے قبل مخالف ٹیم سے فرینڈلی ماحول نہیں بنانا چاہیے۔

ہیڈکو چ کا کہنا تھا کہ فرینڈلی ماحول ہوگا تو میچ میں ایگریشن کیسے آئے گی؟ آسٹریلین کرکٹرز کی مثال سامنے ہے، میچ سے پہلے مخالف ٹیم سے کوئی دوستی یاری نہیں آنی چاہیے۔

بشکریہ جنگ