بینک 8 بجے کھل گئے،ہفتے میں 6 روز کاروبار ہوگا

اسٹیٹ بینک آف پاکستان کی ہدایت پر بینک آج صبح  8 بجے کھل گئے، وفاقی حکومت کے احکامات پر ہفتے میں 6 روز کاروبار ہوگا۔

رمضان المبارک میں بینکنگ اوقات پیر تا جمعرات اور ہفتہ صبح 8 تا 3 بجے تک ہونگے۔

رمضان میں پیر تا جمعرات اور ہفتے کو 1 سے ڈیڑھ بجے تک نماز کا وقفہ ہوگا جبکہ پیر تا جمعرات، ہفتے کو بینکوں کی پبلک ڈیلنگ صبح 8 تا1 بجے تک ہوگی۔

رمضان میں جمعے کو بینکنگ اوقات کار صبح 8 سے 1 بجے تک ہونگے۔

اسٹیٹ بینک کے مطابق رمضان میں جمعے کو پبلک ڈیلنگ کے بینکنگ اوقات صبح 8 تا 12 بجے ہونگے۔

بشکریہ جنگ