بینک کے سسٹم میں ’خامی‘ جس سے اے ٹی ایم کے باہر قطاریں لگ گئیں اور طلبہ لکھ پتی بن گئے

رقم کی منتقلی منجمد کرنے میں ادارے کو کئی گھنٹے لگ گئے۔ریاستی ملکیت والے بینک سی بی ای کے صدر ایبی سانو نے پیر کو صحافیوں کو بتایا کہ اکثر رقوم طلبہ نے نکلوائیں۔سسٹم میں خامی کی خبریں میسجنگ ایپس اور فون کالز کے ذریعے یونیورسٹیوں میں پھیل گئی تھی۔کیمپس کے اے ٹی ایم پر لمبی قطاریں لگ گئیں۔ مغربی ایتھوپیا کے ایک طالبعلم نے بی بی سی کو بتایا کہ لوگ پیسے نکلواتے رہے جب تک پولیس اہلکار موقع پر نہیں پہنچے۔ انھوں نے کیمپس پر لوگوں کو اے ٹی ایم جانے سے روک دیا۔جیما یونیورسٹی انسٹیٹیوٹ آف ٹیکنالوجی کے طالبعلم نے کہا کہ ’مجھے یقین نہیں آ رہا تھا کہ یہ سچ ہے۔‘ ان کے دوستوں نے انھیں رات 10 بجے بتایا کہ آپ اے ٹی ایم سے بڑی رقوم نکلوا سکتے ہیں یا یہ رقم بینک کی ایپ کے ذریعے دوسرے بینک اکاؤنٹ میں منتقل کر سکتے ہیں۔

،تصویر کا ذریعہGetty Imagesجنوبی ایتھوپیا میں دیلا یونیورسٹی کے طالبعلم کا کہنا ہے کہ ان کے کئی دوستوں نے رات 12 بجے سے دو بجے کے بیچ سی بی ای سے رقوم نکلوائیں۔سی بی ای میں تین کروڑ اسی لاکھ لوگوں کے کھاتے ہیں۔ اس بینک کو 82 سال قبل قائم کیا گیا تھا۔ایتھوپیا میں مالیاتی سیکٹر کے نگران سینٹرل بینک نے اتوار کو ایک بیان میں کہا کہ سسٹم میں مرمت اور جائزے کے دوران ’ایک خامی‘ پیدا ہوئی تھی۔تاہم اس بیان میں اس بات پر توجہ دی گئی کہ سی بی ای کی جانب سے رقم کی منتقلی منجمد ہونے سے سروس کی معطلی ہوئی ہے۔ اس میں صارفین کی جانب سے پیسے نکلوائے جانے کا ذکر نہیں تھا۔سانو نے یہ نہیں بتایا کہ سنیچر کے واقعے میں مجموعی طور پر کتنے پیسے نکلوائے گئے ہیں۔ تاہم ان کا کہنا تھا کہ بینک کے کل اثاثوں کے مقابلے کم نقصان ہوا ہے۔ان کے بقول بینک پر کوئی سائبر حملہ نہیں ہوا اور صارفین کو بے فکر رہنا چاہیے کیونکہ ان کے پرسنل اکاؤنٹ محفوظ رہیں گے۔کم از کم تین یونیورسٹیوں نے بیانات میں طلبہ کو تجویز دی ہے کہ وہ تمام پیسے سی بی ای کو واپس کر دیں جو کہ ان کے نہیں۔سانو نے کہا کہ جو کوئی بھی اپنی خود سے پیسے واپس کر دے گا اس کے خلاف قانونی کارروائی نہیں کی جائے گی۔یہ غیر واضح ہے کہ پیسوں کی واپسی کے لیے بینک کے اقدامات اب تک کتنے کارگر ثابت ہوئے ہیں۔جیما یونیورسٹی کے طالبعلم نے پیر کو کہا کہ انھوں نے اس حوالے سے نہیں سنا کہ کسی نے بینک کو پیسے واپس کر دیے ہوں۔ تاہم انھوں ںے کیمپس کی حدود میں پولیس کی گاڑیاں دیکھی ہیں۔دیلا یونیورسٹی کے اہلکار کے مطابق کیمپس پر موجود بینک کے ملازمین ان طلبہ سے پیسے وصول کر رہے ہیں جو رضاکارانہ طور پر انھیں لوٹانے آتے ہیں۔
BBCUrdu.com بشکریہ

body a {display:none;}