بھارت:8 سالہ بچے کے کاٹنے سے زہریلا کوبرا ہلاک

بھارتی ریاست چھتیس گڑھ کے ایک گاؤں میں 8 سالہ بچے کے کاٹنے سے زہریلا کوبرا سانپ ہلاک ہو گیا۔

بھارتی میڈیا رپورٹس کے مطابق 8 سالہ دیپک پر کوبرا سانپ نے حملہ کر دیا اور اسکے بازو پر لپٹ گیا جس پر بچے نے فوری طور پر سانپ کو اپنے بازو سے الگ کرنے کی کوشش کی تاہم وہ اپنا بازو کوبرا سے چھڑوانے میں ناکام رہا جس کے بعد اس نے سانپ کو کاٹ لیا جس سے زہریلا کوبرا ہلاک ہو گیا۔

خبر کے مطابق 8 سالہ دیپک اپنے گھر کے باہر کھیل رہا تھا جب کوبرا سانپ ڈسنے سے قبل بچے کے بازو کے گرد لپٹ گیا تھا۔

بچے نے سانپ کے ڈسنے سے خود کو بچانے کیلئے اپنا بازو جھٹکنا شروع کیا مگر سانپ کے گرفت سے چھٹکارا حاصل کرنے میں ناکام رہا۔

جب بچہ اپنا بازو چھڑانے میں ناکام رہا تو ہار ماننے کی بجائے اس نے سانپ کو کاٹ لیا جس سے کوبرا بچ نہ سکا اور مرگیا۔

ذرائع کے مطابق دیپک کے بازو پر سانپ کے ڈسنے کے نشانات موجود تھے جس کے بعد والدین اسے فوری طبی امداد کیلئے اسپتال لے گئے جہاں اسے طبی امداد دی گئی۔

بشکریہ جنگ