بھارت کے معروف تاجر ساتھی سمیت کار حادثے میں ہلاک

بھارت  کی معروف کمپنی ٹاٹا سنز  کے سابق چیئرمین ساتھی سمیت روڈ حادثے میں چل بسے۔

بھارتی کمپنی ٹاٹا سنز کے سابق چیئرمین اور معروف بزنس مین 54 سالہ سائرس مستری کی کار کو مہاراشٹرا میں حادثہ پیش آیا۔

ان کی اس گاڑی میں 4 لوگ سوار تھے، جس میں 2 لوگ ہلاک اور 2 زخمی ہوئے، جنہیں اسپتال منتقل کردیا گیا۔

سائرس مستری اپنی مرسڈیز گاڑی میں احمد آباد سے ممبئی کی جانب سفر کر رہے تھے کہ راستے میں سوریا نہر کی طرف ان کی گاڑی کو حادثہ پیش آیا، جس میں وہ جانبر نہ ہوسکے۔

بھارتی وزیراعظم نریندر مودی نے سائرس مستری کی موت پر افسوس کا اظہار کیا ہے۔ 

بشکریہ جنگ