بھارت: دلہن بارات لے کر دولہے کے گھر پہنچ گئی

بھارتی ریاست ہریانہ میں ایک دلہن رواج تبدیل کرتے ہوئے گھوڑے پر بیٹھ کر دولہے کے گھر بارات لے کر پہنچ گئی۔

پریا نامی دلہن سہرا پہنے اور ہاتھ میں تلوار لیے گھوڑے پر سوار ہوکر دلہےکے گھر پہنچی جبکہ بارات میں اس کے ساتھ والد، والدہ اور دیگر رشتے دار بھی تھے۔

  پریا کے والد نے کہا کہ وہ اس خیالی تاثر کو بھی توڑنا چاہتے تھے کہ لڑکیاں لڑکوں سے کمتر ہوتی ہیں۔

دلہن کا کہنا ہے کہ میری بچپن کی خواہش پوری ہوگئی، میں بہت خوش ہوں، یہ موقع عموماً لڑکوں کی زندگی میں آتا ہے لیکن ہمارے گھر میں میرے والدین نے مجھے ایک لڑکے کی طرح پالا ہے۔

بشکریہ جنگ