بھارتی کرکٹ ٹیم کے چیف سلیکٹر چیتن شرما مستعفی

بھارتی کرکٹ ٹیم کے چیف سلیکٹر چیتن شرما مستعفی ہوگئے۔

بھارتی میڈیا کے مطابق چیتن شرما نے اپنا استعفیٰ سیکریٹری بھارتی کرکٹ بورڈ جے شاہ کو بھجوایا جسے قبول کرلیا گیا۔

اس حوالے سے بھارتی میڈیا کا بتانا ہے کہ چیتن شرما نے اسٹنگ آپریشن سے پیدا ہونے والے تنازع کے باعث مستعفی ہونے کا فیصلہ کیا۔

بھارتی چیف سلیکٹر چیتن شرما نے انکشاف کیا ہے کہ بھارت کے کئی بڑے اور نامور کھلاڑی فٹ رہنے کے لیے انجکشن استعمال کرتے ہیں۔

چیتن شرما نے اسٹنگ آپریشن میں دعویٰ کیا تھا کہ بھارتی کھلاڑی فٹنس کے لیے انجیکشن لگواتے ہیں۔

بھارتی میڈیا کے مطابق چیتن شرما پر استعفیٰ دینے کے لیے بہت دباؤ تھا اور ان کے انکشافات کے بعد روہت شرما اور ہاردیک پانڈیا بہت غصے میں تھے۔

بشکریہ جنگ